Internat

Vi kan tilby omlag 75 elevar internatplass

Internatet ligg på skulen sin eigendom og husar omlag 75 elevar fordelt på to internatblokker. Her bur dei saman to og to i ein dublett med felles gang og toalett. I same korridor er det 12 dublettar med felles dusj og kjøkken. 

Elevar som ikkje får plass på internatet må bu ein annan stad. Internatplass er eit ikkje lovpålagt tilbod. Skuleplassen ved Gjermundnes vgs og rettane til eleven etter opplæringslova, er ikkje påverka av kvar eleven bur.

Du kan lese meir om internatet her. 

Søk internatplass her. Du skal få kvittering på oppgitt epostadresse når din elektroniske søknad er registrert.

Elevane vert serverte middag og kveldsmat mandag-torsdag i kantina og må smøre seg lunsj kvar dag. Fredagar vert det kun servert varm lunsj og ikkje middag.

Dersom du har behov for tilrettelagt diett (f.eks. cøliaki-, laktose- eller andre intoleranser), ta kontakt med oss på ekspedisjonskontoret. Vi må ha kopi av legeerklæring. Det blir et pristillegg for spesialmat.

Standardtilbud

Gjermundnes vgs har eit butilbod ved skulen som er tilpassa elevar ved skulen som ikkje har trong for særskild oppfølging. Oppfølging frå vaksne er dimensjonert slik at det i gjennomsnitt er ein tilsett til dei omlag 75 internatbuarane det er plass til. Denne bemanninga er tilgjengeleg i skuleveka og utanom vanleg skuletid. Arbeidstida til miljøarbeidar/nattevakt er frå skuleslutt ettermiddagen til skulestart morgonen etter, måndag til fredag. Ei slik bemanning gjev ikkje rom for større individuelt tilsyn. Det er også ein føresetnad at eleven rettar seg etter gjeldande reglar og sanksjonar slik dei er presentert i ordensreglementet.

Sett deg inn i internatreglane våre, dei finn du her

 Internatplass består av:
• standard hybel der eleven deler forgang og wc med ein medelev.
• tilgang til fellesareal som aktivitetsrom, trimrom og garderobar
• matservering: frukost, middag og kveldsmat
• tilsyn: miljøarbeidar/vakt utanom vanleg skuletid

Internatet er stengt i feriane, på helg og på fridagar.

Pris for hybel med felles toalett, og gang,         kr. 5 900,- pr. mnd.   

Eit depositum tilsvarande månadsleige må innbetalast før du får flytte inn.

Les meir om faktureringsrutiner og betalingsfristar her.

Elevar med trong for ekstra helse- og omsorgstenester utanom skuletida

Det er kommunen som har ansvar og mynde til å tilby helse- og omsorgstenester i samsvar med lovverket om dette. Gjermundnes vgs har ikkje slikt ansvar og mynde. Treng eleven meir oppfølging/tilsyn utanom skuletid enn ordinær bemanning, må føresette ta opp dette med den kommunen som har ansvar for å tilby slike tenester.  Vår skuletid er kl. 07:45 - 14:35.

Dersom den kommunen som har dette ansvaret ynskjer å involvere Gjermundnes vgs i planlegginga av eit slikt tilbod, må kommunen ta kontakt med Gjermundnes vgs.

Nattevakta/internatleiar har telefonnummer 712 82 999 eller mobil 974 34 946

Skal du bu på internatet må du hugse å søke internatplass. 

Skal du opphalde deg på internatet i helga? Då må du søke om helgeopphald her.