Orientering om internatet

Ja, du må reise heim til helg. Du kan ikkje ha internatet på Gjermundnes vgs. som fast bustadadresse. Internatet er stengt alle helger, hellig- og fridagar og i alle feriar. 

Dersom du treng overnatting på helg må du søke ekstra om dette, sjå lenger ned i tabellen her.

Eit unntak frå regelen om at internatet er stengt i helgar er at dei som har bustadadresse i anna fylke, eller har ekstra lang reise kan søkje om helgeopphald. Pris på dette finn de på skulen si heimeside. Stallvakter som leiger internatplass får overnatte på internatet utan ekstra kostnad. Dei som har anna betalt arbeid i helga kan søke om å få overnatte til avtala pris.

Dette tilbodet er i utgangspunktet berre for familie. Du må søkje til internatansvarleg i god tid før besøket. Når du reiser heim i helga/ferier
Sjå til at vindauget er igjen, sløkk lyset, skru ned varmen og lås døra. Sjekk også at kjøkkenet er reint og rydda. Ta vekk mat som ikkje held seg, i skap og kjøleskap. Kast søppel i søppelcontainer ute! Det kan medføre ordensmerknadar om du gløymer vindauge, lys og varme!
 

Alle ytterdører på internata skal til ei kvar tid vere låste. Kvar einskild elev må passe på å låse etter seg. Dette for å hindre uvedkommande tilgjenge til internatet. Døra inn til dubletten skal være låst når du ikkje oppheld deg på rommet. Lås også kjøkkendøra når du er sistemann ut.

Meld i frå til driftsteknikar via driftsmelding (selvbetjening.mrfylke.no) eller ta kontakt med miljøarbeidarane. Gi beskjed til internatvaktene dersom du er uheldig å øydelegge noko inventar og utstyr.

Ønskjer du å flytte møblar ut frå hybelen din, skal du ta kontakt med driftsteknikar eller miljøarbeidarane. Møblar på fellesrom skal ikkje flyttast!

 

Elevane skal halde orden på fellesrom. Ved rot, hærverk eller liknande vert romma stengt! Vask og rydd opp etter deg med ein gong når du har brukt kjøkkenet. Sett på plass rein oppvask mm. Sko, klede og liknande som ligg igjen rundt omkring blir innsamla. Det som ikkje blir henta før skuleslutt, blir gitt vekk eller kassert!

Husk - forlat fellesromma slik du sjølv ønskjer å finne det.

Arbeidskle, arbeidssko, støvlar og fotballsko skal settast i kjellaren og ikkje på romma. Bruk kjellarinngangen i blokkene når du kjem frå praktisk arbeid. Arbeidskle/-sko på rommet kan medføre ordensmerknad.

Det er ikkje lov å ta syklar eller mopedar inn i internatblokkene. Det er sykkelbod i nedre verkstad/Kyllingverkstaden.

Vi skifter frå arbeids- og hesteklede før vi går i kantina.  Gjer du ikkje det kan det medføre ordensmerknad.

Dersom du har behov for tilrettelagt diett (t.d. cøliaki-, laktose eller andre intoleranse), ta kontakt med oss på ekspedisjonskontoret eller med arbeidsleiar kjøkken. Vi må ha kopi av legeerklæring. Det blir eit pristillegg pr. mnd. for slik spesialmat.

Kjøkkenkontoret – dei ansvarlege for mat – finn du ved hovudinngang i administrasjonsbygget. Miljøarbeidarane har kontorplass på rom B119/120 på internatet - ”venstre” inngang. Nattevakt kan treffast på vaktrommet A123/124 kvar kveld frå kl. 21.00 til 07.00 neste morgon.
Vakttelefon internat 97434946

• Overmadrass, breidde 75 cm
• Dyne, pute og sengetøy (dynetrekk, putetrekk og laken – 2 sett)
• Handdukar store og små, samt toalettsaker
• Toalettpapir
• Vaskemiddel til reinhald av toalett og vaskemiddel til klesvask.
• Hengelås til garderobeskap/arbeidskleskap (max. 6mm diameter).
• Gardiner kan du også gjerne ta med dersom du vil ha dine eigne. På rommet er det som standard montert opp rullegardin. Du treng 2 gardinlengder vanlig bredde, maks 130 cm høge. Opphenget er skinner med kroker, smalt gardinband.
• To elevar deler eitt lite kjøkkenskap der dei kan ha personleg utstyr dersom dei ønsker.
• Du må ta med eigen stol til skrivepulten.